Германскиот интернационалец призна дека е привлечен од идејата да се пресели во ’најголемиот клуб во светот’ Реал Мадрид и да соработува со ’еден од најдобрите тренери во светот’ Жозе Мурињо.

Вчера агентот на играчот изјави дека тие имаат договор со Кралскиот клуб и останува уште Реал и Штутгарт да се договорат за висината на оштетата.

Новиот спортски директор на Штутгарт, Фреди Бобиќ денес изјави дека клубот од Бундеслигата сега ќе се обиде да пронајде решение со Реал Мадрид за трансферот на Кедира откако играчот на разговорот со управата потврдил дека мисли само на преселба во Мадрид.

“Кедира не информираше дека тој сака да се пресели во Реал.” – рече Бобиќ.

“Сега потребно е да најдеме решение. Ја почитугаме одлуката на Сами. Знам дека Штутгарт е блиску до неговото срце, но Реал Мадрид не доаѓа да ве ангажира секој ден.”

За услугите на Кедира, кој има уште една година од договорот, Штутгарт посакува околу 12-15 милиони евра но се шпекулира дека Реал Мадрид ќе се обиде да го комплетира трансферот за 10 милиони евра.