Во вторникот, Германија го прегази Бразил со 7-1 и се избори за финале на СП 2014.

Овој натпревар ќе се памети како најтешкиот пораз на ’Кариоките’, а и средба на која Мирослав Клосе испиша историја и стигна до својот 16 погодок на светските првенства.

Со овој гол, напаѓачот го помина Роналдо и стана најдобрiот стрелец на мундијалите.

Зборувајќи вчера на прес конференција, Клосе упати многу пофални зборови за поранешниот фудбалер на Интер и Реал Мадрид, и истакна дека ’Феноменот’ е најкомплетниот фудбалер во историјата.

„Мојата порака за Роналдо е дека тој беше играч од прва класа” – рече Германецот.

„Играм во Италија, и сите со кои сум разговарал таму велат дека Роналдо бил најдобриот фудбалер што играл во Италија”.

„Според мене, тој е најкомплетниот фудбалер во историјата, имаше се што еден напаѓач може да посака, а исто така беше и одлична личност”.

Роналдо беше на стадионот во Бело Хоризонте кога Мирослав Клосе го сруши неговиот рекорд.

„Сигурно морало да му биде непријатно, го срушив рекордот против Бразил а тој беше и на трибините”.

„Претходно Роналдо ми прати порака ’Клосе добредојде во клубот 15’”.

„Сега јас можам да пратам порка: ’Мирослав Клосе е во клубот 16 и сите се добредојдени да се придружат’”.