Категорија: Англија 06.05.2016 08:05
Ријад Махрез беше една од клучните алки за шампионската титула на Лестер, неговите фантастични игри му ја донесоа титулата фудбалер на сезоната во Премиерлигата.
Неговото име се поврзува со европските гиганти и силни беа шпекулациите дека тој ќе го напушти Лестер и ќе се пресели во поголем клуб.
Агентот на Махрез изјави дека шансите неговиот клиент да замине се 50-50, но според „Експрес“ фудбалерот има желба да остане.
Весникот пишува дека одлуката на Махрез е конечна, но останува да видиме што ќе се случува во текот на летниот преоден рок и дали Алжирецот навистина ќе одолее на понудите од европските гиганти.