Агентот на Бразилецот неодамна откри дека има три клуба кои се спремни да платат 200 милиони евра и да ја активираат откупната клаузула во договорот на Нејмар.

Тој не ги откри имињата но се верува дека се работи за Реал Мадрид, ПСЖ и Манчестер јунајтед.

Во разговор со Фокс Спортс Бразил, таткото на Нејмар сега потенцира дека напаѓачот има уште две години од договорот со Барселона и додава дека неговиот син во блиска иднина нема да го облече дресот на лутиот ривал Реал Мадрид.

„Барселона го поседува Нејмар и секој предлог што пристигнува за Нејмар мора да помине преку Барселона” – вели таткото на напаѓачот.

„Ние не треба да зборуваме за тоа, бидејќи Нејмар е под договор со Барселона и клубот ја контролира ситуацијата”

„Шпекулациите се се погласни па јасно е дека Нејмар е свесен за нив. Знаеме дека неколку клубови се заинтересирани за него, но тоа не значи дека ние преговараме со некого”.

„Нејмар е под договор со Барселона, има уште две години, треба да ги одработи и тој е среќен на Камп Ноу”.

Запрашан за можноста неговиот син да заврши во Реал Мадрид, тој кратко одгвоори: „Шансите се нула”.