Минатото лето, Лин Лиангминг се пресели на Сантијаго Бернабеу во зделка вредна околу 300 000 евра, и стана првиот фудбалер од Азија кој потпишал за „Кралевите“.

Првата сезона тој ја помина во тимот до 19 години, а подготовките за новата сезона ги започна со Реал Мадрид Кастиља.

И покрај тоа што е далеку од првиот тим, АС вели дека на адреса на шампионот на Европа пристигнала богата понуда.

Весникот пренесува дека Хебеи најпрво понудил 7 милиони евра, а потоа и 10 милиони евра за талентираниот Лин Лиангминг.

Но и во двата случаи одговорот на Реал Мадрид бил негативен и „Кралевите“ порачале дека 19 годишниот Кинез не е на продажба.