Категорија: Италија 26.07.2016 15:41
Репрезентативецот на „Црвено-жолтите“ денеска се појави на прес конференција и призна дека минатата сезона имал потешкотии при адаптацијата бидејќи не го познавал јазикот.
Но тоа сега е минато, Александар Трајковски добро го совладал јазикот, на италијански разговараше со новинарите и вети дека во новата сезона ќе ги покажа неговите вистински квалитети.
„Сакам комплетно да ги покажам моите квалитети” – вели напаѓачот. „Минатата година се адаптирав на новата средина”.
„Кога пристигнав не го разбирав јазикот и имав одредени потешкотии, но паузата ми помогна да научам италијански”.
„Се чуствувам добро во Палермо. Тука го поминав одморот со сопругата, сестрата и нејзиниот сопруг. Градот е прекрасен”.
„Работам напорно. Не се фокусирам на тоа колку погодоци ќе постигнам, но секако сакам да постигнам што повеќе. Мислам дека атмосферата во тимот е одлична и подготовките течат во најдобар ред”.