Минатата недела Барселона успеа пред носот на лутиот ривал Реал Мадрид да го украде Андре Гомеш и со Валенсија се договори за трансфер вреден 35 милиони евра, плус додатни 20 милиони евра во бонуси.

Португалецот попладнево беше презентиран како ново засилување на шампионот на Шпанија, и Андре Гомеш објасни зошто ги одбрал „Каталонците“ пред Реал Мадрид.

„Одлуката да ја одберам Барса пред Реал е лична” – вели Андре Гомеш.

„Секој клуб има различна филозофија. Верувам дека стилот на Барселона ми одговара најдобро”.

„Требаше да избирам и ја одбрав Барселона. Верувам дека го избрав најдобриот клуб и дека не погрешив”.

„Чест ми е што ќе го носам овој дрес. Мојот сон како и сонот на моето семејство е остварен.”