Новите методи кои ги применува Пеп Гвардиола во Манчестер Сити се топ тема на медиумите од „Островото“.

Шпанецот веднаш ја забрани брзата храна и пицата во соблекувалната, а стратегот исто така нема да им дозволи да тренираат и играат на фудбалерите кои не се во потребна форма и имаат некој килограм повеќе.

Веднаш почнаа да кружат шпекулации за тоа кои се играчите кои се нашле на „тапет“ кај строгиот Пеп.

Беше објавено дека Кун Агуеро добил укор, а на социјалните мрежи се појави слика на која се гледа дека Аргентинецот е значително здебелен.

Но напаѓачот на најдобро начин им одговори на критичарите откако на денешниот пријателски натпревар со Борусија Дортмунд постигна гол, а по крајот на средбата го соблече дресот и го покажа мускулестото тело.