Категорија: Англија 15.08.2016 23:01
Челси го надигра Вест Хем, но тешко дојде до победата, дури во 89. минута со гол на Диего Коста.
Сините имаа доминација и создаваа шанси, а иницијативата беше крунисана со гол од пенал на Азар на почетокот од второто полувреме.
И по водството Челси беше подобар тим, сепак по една мешаница во шеснаесетникот во 77. минута Колинс го изедначи резултатот на 1-1.
Челси додаде на офанзива барајќи гол во финишот за старт со победа во новата сезона и токму тоа се случи. Во 89. минута Диего Коста погоди од далечина и му донесе триумф на својот тим од 2-1.
Антонио Конте може да биде задоволен од својот прв натпревар на клупата на Челси кој изледа многу мотивирано на стартот од новата сезона.