Категорија: Останато 21.08.2016 01:30
Бразил е олимписки шампион во фудбал, Маракана слави историска титула откако на пенали беше совладана Германија.
Ова беше и еден вид на одмазда на Бразилците за тешкиот пораз од Германија на Светското првенство пред две години.
Натпреварот во регуларниот тек заврши нерешено 1-1. Нејмар со прекрасен гол од слободен удар му донесе водство на Бразил, а Мајер го изедначи резултатот на 1-1.
Бразил создаваше поконкретни шанси и ја имаше иницијативата, но немаше голови ниту во продолженијата па пеналите го решаваа победникот.
Стрелците беа перфектни до последната серија кога Петерсен не успеа да реализира, Вевертон го одбрани неговиот удар, а Нејмар со прецизно изведен пенал му донесе голема, историска победа на Бразил.
Со овој триумф Бразил повеќе нема трофеј кој не го освоил.
Бронзениот медал го освои Нигерија која со 3-2 го совлада Хондурас во битката за третото место.