Како награда за добрите партии од минатата сезона како и импресивните игри на Европското Првенство, Герет Бејл доби нов побогат договор од Реал Мадрид.

Според пишувањата на Марка, Велшанецот ја продолжува соработката со „Кралевите“ до 2021.

Со новиот договор, Герет Бејл ќе има годишна плата од околу 10 милиони евра, и ќе биде на исто ниво како капитенот Серхио Рамос.

Пред него ќе биде само главната ѕвезда, Кристијано Роналдо, кој исто така во септември треба да стави потпис на нов договор.