Категорија: Македонија 27.08.2016 18:42
Пелистер стави крај на победничката серија на Работнички, ги совлада со убедливи 3-0 и ги помина на врвот на табелата.
Бујчевски го отвори натпреварот пред самиот крај на првото полувреме, во финишот од мечот реализираа Љамчевски и Фернандо за радост на битолските навивачи.
Вардар со 5-1 ја победи Брегалница, а главен во триумфот беше Балотели кој реализираше хет-трик.
По еден гол за македонскиот шампион постигнаа Којашевиќ и Мијушковиќ, а почесниот погодок за Брегалница беше дело на Велинов.
Силекс не ја искористи предноста на домашен терен, одигра 1-1 со Македонија Ѓорче Петров. Недељковиќ погоди за Кратовчани, Јакимовски донесе бод за скопскиот тим.
Немаше голови на дуелот помеѓу Шкупи и Ренова.
Утре од 16:30 ќе се заокружи четвртото коло со натпреварот помеѓу Шкендија и Победа.
На врвот со по десет бода и иста гол разлика се Вардар и Пелистер, Работнички има еден бод помалку.