Категорија: Лига на Шампиони 15.09.2016 15:45
Лестер имаше фантастично деби во Лигата на шампионите откако со убедливи 3-0 победи на гостувањето кај Клуб Бриж.
Раниери е задоволен од изданието на Махрез кој не блескаше во првите кола од Премиер лигата, синоќа постигна два гола.
„Можеби му здосади дили-динг, дили-донг. Химната на Лигата на шампионите го разбуди. Ми се допадна како одигра, тренираше многу напорно“ - изјави Италијанецот.
Кога беше досуден пенал, Махрез ја зема топката и прецизно го изведе иако тоа требало да го направи Слимани.
„Да не беше гол ќе го фатев за врат и ќе му го скршев. Ја презема одговорноста. Пробував да кажам Слимани да го изведе ударот, бидејќи е фантастичен изведувач. Но Махрез ја презема одговорноста и погоди. Имаше среќа“ - со насмевка прокоментира Клаудио Раниери.