Категорија: Македонија 18.09.2016 17:44
Еден гол го реши градското дерби, Вардар со погодок на Николов го победи Работнички со 1-0 и ја продолжи победничката серија.
Голот падна во 28. минута кога Балотели шутираше од далечина, Шишковски одбрани, а топката од стативата дојде до Николов кој реализираше за водство кое значеше и победа.
До крајот на мечот и двете екипи имаа шанси, но мрежите мируваа до крајот.
Шкендија со убедливи 3-0 ја совлада екипата на Македонија Ѓорче Петров.
Хасани постигна два гола, еднаш Џангаровски ја затресе сопствената мрежа.
Немаше голови на натпреварите Победа - Брегалница и Силекс - Ренова.
По шест одиграни кола, Вардар е прв со 16 бода, Работнички има 12, Пелистер и Шкендија по 10, но тетовскиот тим има и натпревар помалку.