Категорија: Англија 29.09.2016 14:05
„Чеканите“ играат катастрофално на почетокот од оваа сезона, и имаат пет порази на шест натпревари во Премиерлигата.
Играчите на Вест Хем дополнително го навлекоа гневот на фановите откако во понеделникот се забавуваа, а најмногу претераа Енди Керол, Арон Кресвел и Дарен Рендолф, кој во седум часот наутро беа забележани во Мекдоналдс.
Исто така, Керол и Рендолф се обвинети дека продолжиле да се пијанчат и во вторникот попладне, откако беа фотографирани во еден паб.
Славен Билиќ сега открива дека негова била идеата играчите да излезат и да се забавуваат, стратегот се обидел да го поправи моралот на екипата.
„Идеата беше моја” – вели менаџерот на Вест Хем.
„Му кажав на Марк, капитенот, да ги однесе на вечера. Тоа беше добра идеа и исправен потег”.
„Потоа се појавија одредени гласини. Разговарав со претседателот, ќе ги разгледаме обвинувањата и доколку е потребно ќе превземеме дисциплински постапки”.