Со 28 гласа за, 24 против и два неважечки гласа, Косово стана 55. членка на УЕФА на конгресот кој во мај се одржа во Будимпешта, и покрај силните протести од страна на Србија.

Србија реши целиот случај да го однесе пред суд, па ФФС достави жалба до судот за спортска арбитража.

Судот од Лозана оваа недела соопшти дека жалбата на Фудбалската федерација на Србија ќе биде разгледана на 31. октомври.

Откако стана членка на УЕФА, Косово потоа стана членка и на ФИФА и беше вметната во квалификациите за Светското првенство во Русија.

Косово веќе го одигра првиот официјален натпревар, реми од 1-1 против Финска.