Во понеделникот Анталијаспор имаше прилика конечно да стигне до првата победа оваа сезона, имаше водство од 1-0 на дуелот со Ризеспор, но гостите во судиското надополнување се изборија за 1-1.

Па по седум коло од новата сезона во првенството на Турција, Анталијаспор остана на дното на табелата.

Домашните фанови беа гневни по новото разочарување и ги исвиркаа фудбалерите.

По крајот на натпреварот, играчите на Анталијаспор разговараа со фановите и се обидоа да ги убедат дека нема потреба за загриженост.

Самуел Ето отиде чекор понапред и се обложи со еден фан, поранешната ѕвезда на Барселона вети дека ќе искешира 100.000 евра доколку Анталијаспор не заврши во топ 10.    

„Ќе завршиме помеѓу топ 10” – рекол Камерунецот. „Убеден сум во ова”.

„Верувај ми, ќе ти дадам 100.000 евра доколку не завршиме во топ 10”.

Ето потоа го запишал името и телефонскиот број на фанот.