Пеп Гвардиола нема победа веќе шест натпревари по ред, тоа е негова најдолга негативна серија.

Сезоната во Премиерлигата ја почна моќно, Манчестер Сити покажуваше импресивни партии и се редеа победи, но наеднаш тимот падна во криза.

Последната победа на Гвардиола е на 24. септември кога Сити го победи Свонси во Премиерлигата.

Серијата неуспеси започна од дуелот со Селтик во Лигата на шампионите кој заврши 3-3. Во елитното клупско натпреварување Сити беше убедливо совладан од Барселона со 4-0.

Во Премиерлигата беше поразен од Тотнем со 2-0, а одигра реми на свој терен со Евертон и Саутемптон. Синоќа беше елиминиран од Лига Купот откако загуби со 1-0 од Манчестер јунајтед.

Прва шанса за прекин на серијата неуспеси ќе биде во сабота кога Манчестер Сити му гостува на Вест Бромвич.