Кристијано Роналдо стави потпис на нов пет годишен договор со Реал Мадрид, кога во 2021 тој ќе заврши фудбалерот ќе има 36 години, но тука нема да биде и крајот на неговата кариера.

„Кристијано Роналдо потпиша нов договор со Реал Мадрид со траење до 30. јуни 2021 година“ - стои во соопштението на клубот.

Роналдо вели дека е среќен во Реал Мадрид и потврди дека ова не е неговиот последен договор, би играл до 41 година.

„Сакам да играм до 41 година. Тука го сретнав Ди Стефано кој ми рече „продолжи како шампион, ти си најдобриот“ - вели Роналдо.

„Имам уште десет години фудбал во мене, не можам да потврдам дека и на 40 години ќе бидам во Реал Мадрид, не можам да играм тука вечно, не знам дали ќе ме сакаат тука и тогаш“.