Јувентус лесно со 2-0 ја доби пресметката со Лацио и тоа со два гола постигнати на почетокот од натпреварот. Во 5. минута погоди Дибала, во 17. реализираше Игуаин.

Јуве во овој меч влезе по поразот од Фиорентина, а Лацио игра одлична сезона и во моментов е четврти во Серија А, па овој дуел важеше за дерби, но на теренот не беше така.

„Лацио не беше ни најмала закана за нас и освоивме три големи бодови“ - вели Игуаиан.

„Единствени кои се сомневаа беа медиумите, тие ја градеа атмосферата. Ние знаевме какви грешки направивме во минатиот натпревар и се поправивме“.

За овој меч Алегри ја смени формацијата, Јувентус настапи со 4-2-3-1, за прв пат во ист состав настапија Игуиан, Дибала и Манџукиќ и експериментот се покажа како успешен.

„Промената беше одлична идеја и треба да работиме напорно околу тоа. Јасно е дека со овој поофанзивен систем треба сите да се враќаме назад и да помагаме на дефанзивата и докажавме дека можеме да играме така“.