Категорија: Италија 19.02.2017 23:24
Во последниот натпревар од 25. коло во Серија А, „Росонерите“ пред своите фанови вечерва го добија дуелот со Фиорентина.
Со голот на Куцка, домаќините поведоа со 1-0 во 17. минута, но за кратко време гостите се вратија преку Калиниќ.
По половина час игра, Деулофеу го постигна својот деби погодок во Серија А и го врати Милан во предност од 2-1, резултат кој остана непроменет до последниот свиреж.
Претходно, Рома ја наполни мрежата на Харт и Торино и со победа од 4-1 стигна до нови три бода.
Џеко го отвори резултатот во 10. минута,а Салах зголеми на 2-0. Паредес со прекрасен гол од преку 25 метри донесе предност од 3-0 во 65. минута.
Лопез во 84. минута постигна почесен гол за гостите, а точка на натпреварот стави Наинголан во судиското надополнување.