Категорија: Шпанија 22.02.2017 20:49
„Кралевите“ не ја искористија првата „брејк топка“ откако вечерва на Местаља загубија со 2-1.
Во заостанатиот натпревар од 16. коло, Валенсија со 2-1 славеше над Реал Мадрид и одигра за Барса и Севиља.
Домаќините имаа фуриозни први десет минути во кои одбраната на гостите два пати капитулираше.
Ѕаѕа го отвори резултатот во 4. минута, а по еден брз против напад, Орељана зголеми на 2-0.
Роналдо кон финишот на првиот дел намали на 2-1, но тоа беше се што направија избраниците на Зинедин Зидан.
Реал останува на врвот на табелата со +1 во однос на Барселона и +3 во однос на Севиља, и со еден натпревар помалку.