Тренерот на Реал Мадрид, Зинедин Зидан иронично одговори на критиките дека „Кралевите“ секогаш имаат лесна ждрепка откако попладнево за противник го добија Баерн Минхен
Категорија: Лига на Шампиони 17.03.2017 16:13
Реал Мадрид минатата сезона имаше прилично лесен пат до финалето од Лигата на Шампионите, а среќата им беше сојузник и за ждрепката за осминафиналето кога од вториот шешир ги избегнаа големите имиња и го добија Наполи.
Па фудбалските фанови ширум светот изминативе денови се шегуваа на сметка на „Кралевите“ и прогнозираа „нова местенка“ по која клубот од Сантијаго Бернабеу ќе се падне со Лестер.
Сепак, Реал Мадрид денеска налета на Баерн Минхен, а Зинедин Зидан ова го искористи за иронично да им одговори на критичарите.
„Се смеам кога луѓето ќе споменат топли и ладни топчиња” – вели Французинот. „Доста на оваа тема, сега знаеме дека тие не постојат...”
За двомечот со Баерн, тренерот на Реал додава: „Тие нема да се плашат од нас ниту пак ние од нив. Натпреварите ќе бидат тешки, Баерн е добар и силен противник. Ќе биде специјален дуел за двата клуба и фудбалските фанови”.
„Ќе се сретнам со мојот учител. Му бев асистент на Анчелоти, тој е одличен човек, и сите знаеме што постигна тука”.
„Научив многу од него, ќе биде посбен дуел и среќен сум што ќе ги одмерам силите со него”.