Италијанецот во 2012 на Манчестер Сити му ја донесе првата титула во Премиерлигата, но 12 месеци подоцна доби отказ.

На негово место дојде Мануел Пелегрини, но и тој доби „клоца“ за да се направи место за Пеп Гвардиола, кој важи за најдобриот тренер во светот.

Шпанецот има разочарувачка прва сезона, Манчестер Сити е далеку од битката за титулата, а доживеа и елиминација уште во осминафиналето од Лигата на Шампионите.

Роберто Манчини во разговор со медиумите од „Островото“ сега објазни зошто „Граѓаните“ се мачат.

„Гвардиола е одличен теренер, но тие се мачат и има причина за ова” – вели Италијанецот.

„Тој во Шпанија, како тренер на Барса, го имаше Меси, Иниеста и феноменален тим. Плус, Ла Лига е првенство во кое само два клуба се борат за титулата, Реал Мадрид им е единствен ривал”.

„Потоа отиде во Германија, каде Баерн Минхен секогаш победува па тој ни таму немаше тежок живот”.

„Но приказната е различна во Премиерлигата, во Англија дури шест екипи се борат за титулата, и сега тој има проблеми”.

„Од 2012 па наваму, Манчестер Сити има најсилен состав па изненаден сум од резултатите“.