Категорија: Македонија 23.04.2017 18:01
Вардар запиша три нови бода, откако со 2-0 го совлада скопскиот ривал Шкупи, но мечот го одбележа еден нефудбалски момент.
Над стадионот во Чаир, се појави знаме на „Голема Албанија“ идентично како она на контроверзниот натпревар помеѓу Србија и Албанија во Белград.
На теренот Вардар беше подобриот противник и со гол на Балотели во првото полувреме и Барсегјан во вториот дел дојде до победа.
Пелистер со гол на Трифуновски во финишот од мечот го доби пелагониското дерби против Победа.
Шкендија одигра нерешено на гостувањето кај Силекс, 1-1. Филиповски донесе водство за кратовчани на стартот од вториот дел, Жуниор брзо го изедначи резултатот.
Ренова со убедливи 4-0 ја торпедираше екипата на Брегалница. Два гола беа дело на Нафиу, по еден постигнаа Велинов и Мишковски.