Добро познато е дека Жозе Мурињо внимава на секој детал и многу силно оружје му е психолошката страна во фудбалот.

Па Португалецот во свој стил имал едно несекојдневно барање на турнејата во САД.

„Специјалниот“ сака на Олд Трафорд да изгради силен тимски дух и наредил на тимскиот автобус да нема слика од ниту еден фудбалер.

Целата е да се избегнат расправии и нетрпеливост помеѓу големите ѕвезди во тимот.

Една од опциите биле сите играчи да се најдат на автобусот, но на крајот бил најден компромис, па го има само грбот на клубот и логото на спонзорот АОН.

За минатогодишната турнеја во Кина, на автобусот се најдоа слики од неколку играчи помеѓу кои Златан Ибрахимовиќ и Вејн Руни.