Вардар одигра одличен меч против Малме и со пресврт во второто полувреме победи со 3-1, со вкупни 4-2 се пласира во третото квалификациско коло каде ќе игра против ФК Копенхаген.

„Честитки до моите играчи и до навивачите кои дојдоа да не бодрат тука. Кажав дека ќе биде тежок натпреварот, потежок од тој во Малме тоа и се случи. Им кажав на фудбалерите да веруваат во себе, им велев дека можеме да поминеме понатаму и успеавме“ - вели Гоце Седлоски на прес конференцијата по мечот.

„На полувремето на фудбалерите им реков, дајте се од себе, ова не е противник кој не можеме да го победиме и дечките тоа го направија. Првиот гол од Грнчаров не врати во игра, после дојде и вториот гол, добивме самодоверба и заслужено победивме“.

„Пред да почнат квалификациите му ветив на сопственикот Самсоненко дека ќе го поминеме овој прв противник и тоа го направивме“.

„Сега на ред е Копенхаген кој е поквалитетен, но најважно ни беше Малме да го поминеме. Сега ќе одмориме ден-два, па ќе се насочиме кон следниот противник“.