24фудбал

Само една причина го „кочи“ трансферот на Коларов во Рома

Српскиот бек од редовите на Манчестер Сити е со една нога во Рим, но за да се комплетира неговиот трансфер во Рома потребно е да се реализира еден детал.

Италија

Медиумите во Италија пренесуваат дека доаѓањето на Александар Коларов во редовите на Рома ова лето зависи од исходот од преговорите помеѓу Манчестер Сити и Монако, за левиот бек на францускиот првак, Бенјамин Менди.

Преговорите помеѓу двата клуба се во тек, па се најавува трансфер вреден 50 милиони фунти.

Познато е дека Рома веќе испрати понуда за Коларов, па како што пренесува „Скај Италија“, 31. годишниот српски интернационалец ќе може да се пресели во Рим, но само во случај да се официјализира трансферот на Менди во Манчестер Сити.