Наредната сезона во Примера ќе биде поинтересна за македонската публика од причина што Енис Барди потпиша за Леванте, па под будно око ќе се следат и неговите настапи.

Леванте во првото коло му гостува на Виљареал на Естадио де ла Керамика, поранешен Ел Мадригал. Тогаш се очекува да биде и дебито на Барди во шпанската лига.

Реал Мадрид одбраната на трофејот ќе ја започне на гостување кај Депортиво Ла Коруња, а Барселона во првиот меч го пречекува Бетис.

Првиот Ел Класико дуел е дури на 20. декември кога на Сантијаго Бернабеу, Реал Мадрид ќе ја пречека Барселона, вториот натпревар е на 6. мај.