На мечот помеѓу ПСЖ и Лион кој домаќините го добија со 2-0 се случија сцени кои покажуваат дека нема некоја убава хемија во богатиот француски клуб.

Единсон Кавани е прв изведувач на пеналите во ПСЖ, но Нејмар и Дани Алвеш не го почитуваа зборот на тренерот и на сила сакаа да му ја земат топката на Уругваецот. 

Дани Алвеш му ја зема топката на Кавани и му ја даде на Нејмар, но на крајот уругвајскиот фудбалер сепак го изведе пеналот. Кавани не погоди од белата точка, можеби беше и вознемирен од односот на Бразилците кон него. 

Како и да е, двете фудбалски ѕвезди кои ова лето дојдоа во ПСЖ треба да почнат да ги почитуваат и тимските правила.