Искусниот Италијанец ја загуби соблекувалната на Алианц Арена и тоа го чинеше работата. Ѕвездите на Баерн му го свртеа грбот на Карло Анчелоти и тој вчера доби отказ.

„Непријателот во вашиот кревет е најопасен“ – беше фразата која Ули Хенес ја употреби за убаво да објасни што лежи зад разделбата со тренерот, и откри дека пет клучни играчи му се спротивставиле на Карло Анчелоти.

Реномираниот германски весник Билд сега пишува кои се бунтовниците поради кои настрада Италијанецот.

Ветераните Рибери и Робен заедно со германското трио, Хумелс, Боатенг и Милер се фудбалерите кои му го свртеле грбот на стратегот.

Некои од нив и јавно влегоа во војна со Карло Анчелоти. Прв беше Томас Милер кој изрази незадоволство од малата минутажа, а потоа Рибери нервозно го фрли дресот откако беше заменет против Андерлехт.