Бранителот на европскиот трон, Реал Мадрид утревечер на домашен терен пред своја публика го пречекува Тотенхем во третото коло од групата „Х“ од Лигата на шампионите.

И двете екипи имаат по две победи, односно над Борусија Дортмунд и АПОЕЛ, а францускиот стратег од клупата на Кралевите, Зинедин Зидан упати низа пофалби за Хари Кејн, кој игра во фантастична форма.

„Тој е клучен фудбалер за Тотенхем, премногу е добар во секој аспект, но најдоброто од се’ е тоа што постојано размислува како да постигне гол. Тој е комплетен фудбалер, иако така не изгледа, но секогаш се појавува онаму каде што е потребно“ рече Зидан.

Во последниов период постојано 24 годишниот Кејн се поврзува со можен трансфер во Реал Мадрид, а на тоа Зидан имаше кус коментар.

„Не знам што ќе се случува во иднина...“ додаде Французинот не сакајќи да даде никаков дополнителен коментар на таа тема.