Буфон за прв пат ја добива ФИФА наградата за најдобар голман на годината.

„Голема чест е ова признание да се добие на моите години! Сакам да му се заблагодарам на мојот клуб, мојот тренер и соиграчите, бидејќи без нивна помош ќе беше невозможно. Сакам да им се заблагодарам и на сите кои гласаа за мене“ - изјави Буфон.

Со наградата за најдобар тренер се закити предводникот на Реал Мадрид, Зинедин Зидан.

„Ви благодарам на сите, ова е посебно признание за мене. Сакам да им се заблагодарам на сите мои фудбалери кои ми овозможија да ја добијам наградата“ - изјави Зидан.

Женските награди отидоа во европскиот шампион Холандија. Наградата за најдобар женски тренер ја доби Сарина Вигман, а за најдобра фудбалерка беше прогласена Лиеке Мартенс.

Наградата за Фер плеј му припадна на Франсис Коне.