Во својот наслов „Фудбал менаџер 2018: 10 највредните засилувања од Ла Лига“, „The Sportsman“ пишува за тоа кои се десетте фудбалери кои би требало да ги ангажирате во својот тим доколку почнувате со вашата екипа на оваа мега популарна игра.

„Леванте има нова ѕвезда во своите редови во Енис Барди, а тој факт е потврден и во оценките на ФМ18. Македонецот кој игра во средниот ред е фантастичен во изведувањето на слободните удари, истовремено е одличен креативец. Одличен прв допир со топката, техника и додавања кои потврдуваат дека Барди ја има способноста да ја контролира играта во поседот, истовремено поседува и дриблинг и долги топки кои исто така нудат голема опасност кон противничките половини. Малата заработувачка и вредноста го прават овој 22 годишен фудбалер нешто што морате да го добиете во својата прва сезона од Ла Лига“ пишува „TheSportsman“.

Профилот на Енис Барди на ФМ18

Доколку се верува на горенаведениот профил на нашиот фудбалер на ФМ18, тогаш тој неделно заработува во Леванте 12,000 евра, односно на годишно ниво - 590,000 евра. Неговата вредност пак во евра изнесува околу 4,5 милиони.

22 годишниот Енис Барди на десет натпревари постигна четири погодоци за Леванте во најсилната конкуренција на Шпанија, што за момент доби огромна популарност на себе, посебно во однос на неговата најголема специјалност, изведувањето на слободните удари.

Извор: thesportsman.com