Македонскиот фудбал има иднина, ако ја земеме во предвид селекцијата до 19 години, која предводена од клупата од Вујадин Станојковиќ бележи фантастични резултати.

По победите над Швајцарија и пред се’ Белгија, нашите надежи славеа убедлив триумф од 6-0 над аутсајдерот Лихтенштајн во последното, трето коло од квалификациската група „5“ која ја завршуваме со максимални три победи.

Митровски постигна хет-трик, по еден гол реализираа Чурлинов, Колевски и Миовски.

По ова, следат елитните квалификации за пласман на Европското првенство во Финска кое се одржува идната година, а резултатите во оваа фаза од квалификациите ветуваат многу од оваа генерација.

Квалификациите во нашата група се одржаа во Скопје на тренинг центарот „Петар Милошевски“, а ждребката за елитните квалификации ќе се одржи во Нион на 6 декември.

Фото-вест: ffm.mk (архива)