ЦР7 игра во лоша голгетерска форма на почетокот од сезоната, до овој момент има само еден погодок во првенството на Шпанија а Реал Мадрид заостанува осум бода зад лидерот Барселона.

Па овој пост критичарите го искористија за одново да удрат по Португалецот. Во разговор со Лекип, Кристијано Роналдо сега открива дека не е поштеден ниту дома, и неговите најблиски често знаат да му приговорат.

„Видете, не ги критикувам луѓето кои ме критикуваат кога не постигнувам голови, но се случуваат чудни работи во мојот дом” – вели ЦР7.

„Кога нема да дадам гол, мојата мајка ме прашува зошто, син ми ме прашува зошто, брат ми, сестра ми... сите ме прашуваат „Што ти е? Кој е проблемот?“”

Во интервјуто, кое во целост ќе биде објавено во утрешниот број на Лекип, Кристијано Роналдо исто така вели дека не се плаши од ПСЖ бидејќи Реал Мадрид е актуелен европски шампион и првиот тим кој го одбранил трофејот.

Исто така најави дека се додека игра фудбал ќе се обидува да ја освои престижната индивидуална награда „Златна Топка“.