24фудбал

Вардарци заминаа за Русија

Македонскиот шампион Вардар утринава тргна кон Санкт Петербург каде утре го игра натпреварот од 5. коло во Лига Европа против Зенит.

Македонија

Вардарци утре ќе се соочат со нов предизвик во Лига Европа и ќе се обидат да го подобрат впечатокот од претходните изданија иако пред себе го имаат најтешкиот противник во групата.

Зенит уште во првото коло го спушти Вардар на земја победувајќи го со 5-0 на арената „Филип Втори“, македонскиот тим утре ќе се обиде да биде далеку порамноправен тим.

Денеска Вардар ќе го има редовниот официјален тренинг, а претходно Чеде Јаневски со еден од фудбалерите ќе одржи прес конференција.

Натпреварот се игра утре (четврток) со почеток од 19 часот. Судиите се од Белгија на чело со Барт Вертентен.