Веќе три средби финишираа, а истите стартуваа во терминот од 20 часот и 45 минути.

Манчестер Сити не запира, славеше на гостувањето кај Свонси со 0-4. Два гола за победничкиот табор постигна Силва, додека по еден Де Брујн и Агуеро.

Три победи и едно реми (со Ливерпул), ова е учинокот на Евертон во последните четири натпревари под водство на новиот шеф на стручниот штаб Сем Алардајс по катастрофалниот старт во новата сезона.

Евертон со минимална победа од 0-1 се врати од гостувањето кај Њукасл, а единствениот гол на мечот беше дело на Руни во првото полувреме. Евертон конечно заличува на себе, а доколку продолжи во вакво темпо, се поизвесно е дека набрзо ќе го видиме со голем прогрес на табелата во Премиерлигата.

Лестер славеше убедливо на гостувањето кај Саутемптон со 1-4, а победата ја навести уште на полувремето каде имаше водство од 0-3. Два гола во победата на Лестер постигна Оказаки, по еден Марез и Кинг. За домаќините единствениот гол го постигна Јошида