Категорија: Англија 17.01.2018 11:10
Сајтот на Европската куќа на фудбалот – УЕФА во 2009. година направи интервју со ерменскиот репрезентативец и тогашен член на Пјуник од Ереван, Хенрих Мхитарјан.
Тој даде мошне интересни коментари за Арсенал, а воедно и ја истакна својата желба еден ден да игра за тој тим.
„Мојот омилен тим е Арсенал, ми се допаѓа нивниот офанзивен фудбал и брза игра“ рече Мхитарјан.
„Арсен Венгер им дава голема доверба и пред се’ важност на младите фудбалери, истовремено правејќи одлични резултати. Би сакал да играм за тој клуб еден ден во мојата кариера“ додаде Ерменецот.