Лео Меси е ноќна мора за противниците, ретко кој успеал да излезе на крај со магионичарот на Барселона. Франсис Кокелан вечерва сепак најде начин како да се справи со Аргентинецот.

Фудбалерот на Валенсија влезе во еден дуел бескомпромисно и дури му го соблече дресот на Лео Меси.

За некое чудо, судијата не досуди ништо. На социјалните мрежи фудбалските љубители се шегуваат дека Франсис Кокелан толку многу го сакал дресот на Лео Меси што не можел да почека до полувреме, а камо ли до крајот на мечот, па затоа судијата му прогледал низ прсти.