Според информациите кои ги пренесува француски „Л’Екип“ се вели дека постои можност да Пол Погба се врати во Јувентус и да ги напушти редовите на Манчестер јунајтед.

Се поизвесно е дека францускиот фудбалер не е во добри односи со неговиот тренер Жозе Мурињо, па би можел да се врати во тимот од Торино.

Наводно Погба имал клаузула (бај-бек, buy-back) во договорот со Манчестер јунајтед кој би му дозволил негово враќање во Јувентус за сума од околу 60 милиони евра.

Веројатно единствениот проблем во остварувањето на овие амбициозни најави е неговата висока плата, познато е дека најскапо платени фудбалери во тимот од Торино се Пауло Дибала и Гонзало Игуаин со годишна плата од седум ипол милиони евра, додека Французинот заработува 12 милиони евра годишно.