Коњаспор обезбеди голема победа од 2-0 од исклучително значење во битката за опстанок во елитниот турски фудбалски шампионат, а стрелци во победата на домашниот табор над Кајзериспор беа Самуел Ето и нашиот Адис Јаховиќ.

Македонскиот бомбардер во 90. минута погоди од слободен удар за својот тим со тоа што ја потврди победата за Коњаспор, а нашиот интернационалец во игра на средбата влезе токму на местото на Ето во 72. минута.

%5Etfw">pic.twitter.com/n5UPg9Xi5u

За Јаховиќ ова беше 15 погодок сезонава, со што се наоѓа на третото место на листата на стрелците во Турција.

Со 24 бода Коњаспор е на претпоследното место на табелата во турската Суперлига, со три бода помалку од Османлиспор, кој на 15 место е вон зоната на испаѓање, а како за издвојување, денешниот совладан противник, Кајзериспор со 41 бод е на петтото место на табелата.