Категорија: Шпанија 18.03.2018 18:24
Едно полувреме им беше доволно на „Каталонците“ да прокнижат нови три бода, на Камп Ноу избраниците на Валверде без многу мака триумфираа над Атлетик со 2-0.
Барселона одлично го отвори натпреварот со неколку закани по голот на Аризабалага, кој капитулираше веќе во 8. минута. Алба му асистираше на Алкасер за 1-0, но левиот бек можеби беше во офсајд во моментот кога ја прими топката.
Гостинскиот
голман капитулираше уште еднаш по половина час игра, Меси мајсторски биеше од
долниот десен агол за 2-0.
Во вторите 45 минути Барса само рутински одработуваше и не се трудеше премногу да го загрози голот на противникот. Атлетик се обиде да го искористи ова и да се врати во игра, но „Каталонците“ со солидна игра во одбрана не дозволија Тер Штеген да биде совладан.