На Марсело и Касемиро летоска би можеле да им се придружат уште неколку Бразилци во Мадрид. Винисиус од поодамна е капарисан и треба да пристигне во јули, но суперталентираниот офанзивец би можел веднаш да биде вратен дома на калање уште додатни 12 месеци.

Нејмар е прва желба на Флорентино Перез, а претседателот на Реал мерка уште двајца Бразилци.

Според денешното издание на Кориере дело Спорт, „Кралевите“ го сакаат чуварот на мрежата на Рома Алисон. Актуелниот шампион на Шпанија и Европа е подготвен да плати 60 милиони евра како обесштетување, и да му понуди на голманот пет годишен договор со плата од 5 милиони евра по сезона.

Клубот од Сантијаго Бернабеу исто така сака да го ангажира и Маркињос, кој треба да ги реши проблемите кои Зинедин Зидан ги има во одбраната. Дефанзивецот е по мерак на сите во Реал, а наводно и самиот Нејмар дал предлог неговиот сонародник да му се придружи во Мадрид.