Иднината на Мурињо во Манчестер јунајтед е доста неизвесна по елиминацијата ан тимот од Олд Трафорд од Лигата на шампионите, дури во осминафиналето од тоа натпреварување, и тоа од Севиља.

Во својата прва сезона предводејќи ги Црвените ѓаволи, Жозе Мурињо го освои англискиот Комјунити Шилд, како и Лига Европа, меѓутоа втората сезона за португалскиот стратег е доста разочарувачка.

„Manchester Evening News“ пишува дека столчето на Мурињо ќе биде разнишано како никогаш досега доколку не успее да го освои англискиот ФА Куп, а за да го стори тоа, најпрво во полуфиналето треба да го мине Тотенхем, за во финалето да го добие подобриот од дуелот помеѓу Челси и Саутемптон.