Јоаким Лев е горд на своите фудбалери кои на Германија и ја донесоа четвртата титула од светските првенства.

 

Германија креираше и историја, тоа е првата европска репрезентација која го освои светското првенство на јужноамериканско тло.

 

„Геце е фантастично момче, може да игра на секоја позиција. Знаев дека секогаш може да одлучи натпревар и овој пат постигна одличен победнички гол\" - вели Лев.

 

„Му реков \'океј покажи му на светот дека си подобар од Меси и дека можеш да го решиш светското првенство\'\".

 

„Имав добро чувство за него\".

 

„Мислам дека ова е само старт на оваа генерација бидејќи немаме многу фудбалери кои имаат преку 30 години\".

 

„Видете ги Геце, Милер, Озил и Ројс кој не беше тука, има многу фудбалери кои сеуште можат многу да освојат во нивните кариери\".

 

„Во 2000 и 2004 година германскиот фудбал беше паднат, па одлучивме да превземеме чекори и да инвестираме повеќе во едукацијата на фудбалеритe\".

 

„Креиравме посебни центри кои требаше да го подигнат квалитетот, имавме голема помош од Бундеслигата и благодарен сум им на клубовите кои го направија тоа, овој пехар од светското првенство е продукт на одлична едукација и тренинг во Германија\".