Во вторникот, Нико Розберг соопшти дека овој викенд на Големата награда на Германија ќе носи специјално дизајнирана кацига со која сака да им одаде признание на своите сонародници за триумфот на мундијалот во Бразил.

На кацигата го имаше германското знаме, слика од трофејот што се доделува на светските првенства како и четири ѕвезди кои ги симболизираат освоените светски титули на ’Панцирите’.

По ова веднаш се огласи ФИФА, светската куќа на фудбалот вели дека трофејот е брендирано лого, и употреба на негова слика ќе значи кршење на правата за интелектуална сопственост.

Нико Розберг изрази жалење од ваквата одлука но истакна дека ќе ја почитува и ќе го тргне пехарот од кацигата.

a shame,i would have loved to carry the trophy as a tribute to the guys.but of course I respect the legal situation pic.twitter.com/esCboJkL4c

— Nico Rosberg (@nico_rosberg) July 17, 2014

Мерцедес АМГ Ф1 тимот попладнево го соопшти конечниот дизајн, на кацигата ќе останат знамето на Германија и четирите ѕвезди, од кои во преден план ќе биде ѕвездата која го симболизира триумфот на мундијалот во Бразил.

.@nico_rosberg’s final helmet design for the #GermanGP! Just awesome #GoetzeStarQuality pic.twitter.com/Y4LiCvk0HM

— MERCEDES AMG F1 (@MercedesAMGF1) July 17, 2014