Категорија: Германија 06.04.2018 23:02
Искусниот стратег во 2013 го предводеше Баерн Минхен до историски успех и прва тројна титула односно триумф во Бундеслигата, Купот на Германија и Лигата на Шампионите. Можеби е легенда на „Баварците“, но очигледно не е толку многу познат, или барем не во САД.
„Утрово во лифтот во мојот хотел, на петиот кат влезе постар пар. Господинот беше прилично тивок, но госпоѓата беше пријателски расположена и ми рече „добро утро“ па и јас и кажав „добро утро“. Со мене имав торба од Баерн Минхен, и таа ме праша, „леле, вие сте фан на Баерн Минхен?“. Јас само одговорив, „да, секако!“” - раскажа Јуп Хајнкес со насмевка на лицето на денешната средба со новинарите.
„Дефинитивно беа Американци. Швајни ме убедуваше дека сум познат во САД и ми велеше „шефе, сите те знаат таму“. Очигледно овие не ме познаваа”.