Категорија: Англија 15.04.2018 21:06
Манчестер јунајтед минатото коло ја расипа шампионската прослава на Манчестер Сити откако со неверојатен кам-бек стигна до победа на Етихад од 2-3, иако по првите 45 минути губеше со 2-0 а можеше да прими и уште некој гол.
Но денеска речиси на исто толку спектакуларен начин „Гаволите“ им ја подарија титулата на „Граѓаните“ откако загубија на Олд Трафорд со 0-1 во дуелот со фенерџијата ВБА.
По крајот на мечот, Жозе Мурињо испрати порака до фановите, истакна дека тој останува правиот човек да го врати клубот на врвот и вели дека за ова е потребна конзистентност.
„Верувам во мојата работа. Нема причина зошто да не верувам. Осум титули се осум титули, три титули во Премиерлигата се три титули во Премиерлгата, и последната титула во Премиерлигата не беше пред 20 години туку пред три години. Знам како да победувам” – вели „Специјалниот“.
„Верувам во моите способности, но јас не играм, разбирате? Секако дека ви е потребен квалитет за да освојувате титули, но од големо значење е и конзистентоста и тоа конзинстентност на секое ниво. Не само перформансите, туки и психолошката подготвеноста, секојдневната работа и однесување. Се мора да биде конзистентно, од прв до последен ден. Па мора да го подобриме токму ова”.