Категорија: Шпанија 15.04.2018 22:46
Зинедин Зидан продолжи со стариот добар рецепт, Кристијано Роналдо доби одмор, а за гостувањето кај Малага поштедени беа и Герет Бејл, Лука Модриќ и Рафаел Варан. Тони Крос и Марсело останаа на клупата за резерви но и покрај тоа Реал немаше никакви проблеми кај фенерџијата.
Резултатот беше отворен во 29. минута, Иско од слободен удар биеше мајсторски за 0-1. На 0-2 зголеми Касемиро во 63. минута. Бразилецот најпрво го сопре нападот на домаќините, а потоа се најде во противничкиот шеснаесетник за да финишира една одлична акција на Бензема и Иско.
Во последните мигови од средбата, Малага само стигна до почесен гол преку Ролан.